Txanpiñoiak, proteina iturri

Txanpiñoiak, proteina iturri | Plantxan, beteta, kreman edo baratxuriekin. Txanpiñoiak edozein eratara prestatuta dira gozoak, eta, gainera, osasungarriak eta erabat onuragarriak gure organismoarentzat. Txanpiñoiek 30 kcal bakarrik dituzte 100 gramoko, eta bitamina (A, B1, B2, B3, B5, B9, C, D eta E) eta mineral (selenio, fosforoa eta potasioa, besteak beste) asko dituzte.

Txanpiñoiek propietate adierazgarri bat dute: edozein barazkik baino proteina gehiago dute. Zehazki, txanpiñoien 100 gramok 4 gramo proteina inguru ematen digute, horregatik gomendatzen dute erabat dieta begano eta begetarianoetan.

Txanpiñoiak barazkiak al dira?

Txanpiñoien propietateez hitz egiten jarraitu aurretik, garrantzizkoa da argitzea txanpiñoiak fungi erreinukoak direla, eta ez landareen erreinukoak, eta batzuetan barazkitzat hartzen badira ere, berez ez dira barazkiak. Txanpiñoiak onddoak dira, eta onddoak direnez ez daukate klorofilarik eta ez dute fotosintesirik egiten, horregatik ez dira landareak.

Txanpiñoien bitaminak

Txanpiñoiek bitamina ugari dituzte, bereziki B motakoak. Azpimarra daitezke, esate baterako, B9 bitamina edo azido folikoa, gure sistema immunitarioa babesten laguntzen duena; B1 edo tiamina, nerbio-sistemaren funtzionamenduari laguntzen diona; edo B5, gehiegizko kolesterola gutxitzen laguntzen duena. Besteak beste gure gorputzean kaltzioa xurgatzen laguntzen duen D bitamina ere nabarmendu dezakegu.

Zuntz ugari dute

Txanpiñoiek zuntz disolbaezin asko dute, eta zuntz horrek gosea asetzen eta hesteetako zirkulazioa hobetzen laguntzen du. Hain zuzen ere zuntz ugari duelako gomendatzen dute diabetikoentzako dietetan, odoleko azukre eta intsulina mailak hobetzen laguntzen baitu. Hala ere, fibra ugari izateak digestioa geldotzen du, eta zenbait pertsonarentzat pisu samarrak izan daitezke txanpiñoiak. Halako kasuetan, hobe da gutxi jatea.

Antioxidatzaile eraginkorra

Txanpiñoiek propietate antioxidatzaileak ere badituzte. Selenio eta D bitamina ugari dutenez, txanpiñoiek erradikal askeei aurre egiten laguntzen digute.

Txanpiñoiak gure organismoarentzat hain mesedegarriak badira, ez al zaude prestatzeko irrikatzen? Dasta itzazu gure txanpiñoi ekologiko xerratuak tortillan edo garnizio moduan. On egin!