Madaria, urte osoan sasoikoa den fruta

Konta ezin ahala madari/udare mota daude. Kalkulatzen da 3.000tik 4.000 madari aldaerara daudela, baina bukaeran gutxi batzuk besterik ez dira merkaturatzen. Hainbat madari mota daudenez, fruta hori urte osoz disfruta daiteke; izan ere, aldaera bakoitzak bere denboraldia du urtaro jakin batean. Ondoren, gure madari aldaera gogokoen batzuk ikusiko ditugu.

• Blanquilla madaria, ur-madaria ere deitua, ekainetik abendura bitarteko denboraldia duen madaria da, eta abuztua da hura jateko garai onena.
• William’s madaria udako beste madari bat da. Aldaera honek mami fina eta oso gozoa du.
• Aldaera ezagunenetako bat, Nafarroa aldean ugaria, Konferentzia madariada. Udazkeneko madaria da, eta ezagun du azala oxidatua eta zaporez gozoa izatea, garraztasun puntu batekin.
• Ercolini madaria ere udazkenean ere jaten dugu. Azalean tonu berde eta horiak nagusitzen dira, baina alde batzuk gorrixkak ditu.

Madariaren propietateak

Esaten da madari baten propietateak sagar batenaren oso antzekoak direla: zuntz disolbagarriko eduki handia dute (pektina), eta hesteek lan egokia egiten laguntzen du, baita gorputzeko gehiegizko kolesterol txarraren kontra borrokatzen ere.

Halaber, haren ur-eduki handiari esker, fruta oso hidratatzaile, diuretiko eta garbigarria da.

Bestalde, beste fruta batzuek bezala, madariak bitamina eta mineral ugari ditu. Potasioan oso joria izateagatik nabarmentzen da, arteria-presioa gutxitzen laguntzen duena, eta B multzoko bitaminetan ere oparoa da, nerbio-sistema orekatzen duena.

Kontsumitzeko zerrenda

Madaria justu umotzen hasten denean biltzen da. Garrantzizkoa da helduegia ez egotea, azukre neurri egokia izan dezan. Ékolon, Konferentzia madari-aldaera erabiltzen dugu batez ere, gure lurraldean oparoena dena (Nafarroan). Aldaera hori irailean bildu ohi da eta, gehiegi ez umotzeko, sorora iritsi bezain laster zukutzen dugu. Gainerako zukuekin ere hala egiten dugu. Ékolon, ez dugu inoiz fruta izozten, gure zukuak fruta freskoz lantzen ditugu, soroetatik hartu berriak.

Madariaren kasuan, bi zuku mota eskaintzen ditugu: madari-zuku hutsa, zapore gozoagoa maite dutenentzat eta, limoiarekin elkartutako zukua, konferentzia-madariaren gozotasun ezaguna kentzen laguntzen duena. Hori bai, horietako zuku batek ere ez du azukre erantsirik. % 100 natural,aizu! Bi madari-zukuetatik zein nahiago?