Sagar-konpotaren propietateak

Sagarra fruta onuragarrienetako bat da eta gure organismoarentzat mantenugai gehien dituena. Aberatsa da bitamina eta mineraletan, antioxidatzaile naturala da eta edozein dieta motatarako gomendatua. Fruta osasungarria, gordinik (azalarekin edo gabe, nahi bezala) zein erreta jan dezakezuna.

Sagarrak propietate antioxidatzaileak ditu. Zelulen zahartzea atzeratzen du bere bitamina-ekarpenari esker eta gure defentsak hobetzen ditu. Gainera, propietate arazgarriak ditu eta gibelaren eta behazun-maskuriaren funtzioa hobetzen du.
Gordinik eta erreta jateaz gain, konpota moduan hartzea da sagarraren zale porrokatuenen artean gustukoena den aukeretako bat.

Sagar-konpotaren propietateak

Sagar-konpotak propietate ugari ditu, oso osasungarria da eta kozinatzen erraza.
Sagarra konpotan ona da digestiorako. Zuntz disolbaezin kantitate handia ematen dio organismoari. Baina, hori bai, efektu hori lortu nahi bada, sagarraren azala gehituta kozinatu behar da errezeta. Digestio- eta heste-sistema hobetzen du eta lagungarria da pertsona gaixoen jateko gogoa berreskuratzeko. Kontraesana dirudien arren, sagarrak efektu asegarriak ere badituenez, fruta oso egokia da pisua jaisteko dietetan.
Lagungarria da kolesterol altua eta odoletako azukre-mailak murrizteko. Era berean, gaixotasun kardiobaskularrak izateko arriskua murrizten da.
Propietate horietaz gain, nabarmendu behar da sagarra bere prestaketa guztietan antiinflamatorioa dela, efektu hidratatzaileak dituela gure organismoarentzat eta oso diuretikoa dela.

Nola jan sagar-konpota

Sagar-konpota bere horretan jan daiteke, azkenburukoan otordu baten ondoren edo gosarian marmelada gisa, adibidez.
ékolotik gomendatzen dizugun trikimailuetako bat da zure errezetari zapore eta osagai desberdinak gehitzea. Sagar-konpota bat jogurtarekin eta kanelarekin azkenburuko oso zaporetsua da. Proba ezazu zure errezetan sagar-barietateak aldatzen ere, edo etxeko bizkotxoetan betegarri gisa jartzen, gozo-gozoa! Almendra edo intxaurrekin konbina dezakezu eta errezeta elikagarriagoa bihurtu, fruitu lehor horiek koipe osasungarriak, proteinak eta karbohidratoak eskainiko baitizkizu.

Ikusten duzun bezala, sagar-konpota jateko era asko daude. Zein da zure gogokoena?